«Тыйаатыр мин харахпынан»

Үүммүт 2019 сыл дойду үрдүнэн Тыйаатыр сылынан биллэрилиннэ.

            Тыйаатыр диэн тулалыыр эйгэни уус-урна өттүнэн драматическай дьайыыны көрдөрөр искусство. Историческай кэм ис дьиҥин холбоон көрдөрүү искусствота.

            Оҕо-аймах духуобунас эйгэтигэр сыһыарарга, сиэрдээх быһыыга-майгыга иитэргэ, кэрэҕэ дьулуһарга, кэрэни сайыннарарга литература уонна тыйаатыр оруола улахан. Сыанаҕа ооньуур артыыс суруйааччы өйүн-санаатын, иэйиитин үллэстэр. Оруолун тус бэйэтиттэн тиллэн, көрдөрөн оонньуур. Ону дьон айымньыга ойууланар олоҕу автор хараҕынан көрөр кыахтанар.

            Тыйаатыр сылын көрсө, биһиги нэһилиэккэ тыйаатыр көрүҥүнэн тэрилтэлэринэн араартаан оонньоон көрдөрбүттэрэ: мюзикл, теневой, патомима, комедия, кукольнай. Бу тэрээһинтэн тыйаатыр туһунан олус элбэҕи биллим.

            Биһиги оскуолабытыгар оҕолорго П.А. Ойуунускай «Ыраахтааҕы ыйааҕа» айымньытынан спектакль бэлэмнээн «Ийэ тыл этигэн кэрэтэ» – Ийэ тыл күнүгэр аналлаах үөрэнээччилэр улуустааҕы фестивалларыгар 1-кы миэстэ буолбуппут.

            Ол курдук, спектакльга оонньоон, дьон сыанаҕа оонньуурун көрөн оҕо-аймах тыйаатыр эйгэтигэр чугаһыа, тыйаатырга сылдьа үөрэниэ дии саныыбын.

Белых Максим, 6 кылаас

Добавить комментарий

Ваш адрес email не будет опубликован. Обязательные поля помечены *