«Сүргэбин көтөђөр дьарыгым, иэйиибин иңэрэр хоһоонум»

Кулун тутар 4 күнүгэр биир дойдулаахпыт Евстафьева Ольга Васильевна – Уокка Куо «Сүргэбин көтөђөр дьарыгым, иэйиибин иңэрэр хоһоонум» диэн айар биэчэрэ буолла.

Айар киэһээ бастакы чааһыгар Ольга Васильевна пластилинынан оңорбут хартыыналарын быыстапкатын көрдөрдө, кэпсээтэ. Онтон маастар-кылаас көрдөрдө, бары ођолордуун, улахан дьоннуун пластилиннаах кэлэн лыах ойуулаах хартыынаны үтүгүннэрэн оңордубут.

Иккис чааһыгар, Ольга хоһооннорун биир-биир тахсан уус-ураннык аађан иһитиннэрдилэр. Манна оскуола ођолоро эмиэ кытыннылар: Толстяков Руслан 4 кыл., Федоров Эдуард 5 кыл., Аммосов Данил 7 кыл.

Биэчэр сэргэхтик, үрдүк таһымнаахтык ааста. Кэлбит ыалдьыттар, ођолор астынан-дуоһуйан тарђастылар. Уокка Куо бэйэтэ төрөөбүт дойдутун туһунан хоһоон аађыытынан биэчэрин түмүктээтэ.

Добавить комментарий

Ваш адрес email не будет опубликован. Обязательные поля помечены *