“Муусука барыбытыгар”

Кулун тутар 11 күнүгэр Булгунньахтаах Ођо искусствотын оскуолатын баяңңа учуутала Илья Еремеевич Иванов бырайыагынан улуус муусукађа оскуолатын эдэр исписэлиистэрэ уонна Ыччакка социальнай-психологическай көмө киинин үлэһиттэрэ бэрт сонун тэрээһини ыыттылар.

Бу бырайыак күһүн тэриллибит. Улуус Ођо искусствотын оскуолаларын эдэр педагогтара сомођолоһон “Муусука барыбытыгар” чэрчитинэн хас биирдии ођону, улахан киһини хабар сыаллаах, маастар-кылаастары тэрийэн, классическай муусуканы кэнсиэрин нөңүө тириэрдии буолар.

Карманилова Анна Ивановна Ыччакка социальнай-психологическай көмө киинин үлэһитэ учууталларга «Вместе мы сила!» диэн тренинг ыыппыта.

Покровскайдаађы Ођо искусствотын  оскуолатын учуутала Евгений Исаевич Баишев кырачаан истээччилэри мунньан араас үрэр, сахсыйар, охсор инструменнарга оонньотто. Оттон Артомонова Людмила Степановна улахан кылаас ођолорун кытта хор туруора ођустулар.

Үөрэнээччилэр учууталлары кытта бииргэ сыанађа тахсан нүөмэр көрдөрдүлэр. Ођолор араас инструменнарга оонньоон үөрүү-көтүү бөђө буоллулар. Оскуолабыт ођолорун наһаа музыкальнай, сэргэх ођолордооххут диэн хайђаан бардылар.

Добавить комментарий

Ваш адрес email не будет опубликован. Обязательные поля помечены *